Байгалийн баялаг

Чойр уулын зүүн тал Сүмбэр уулын эргэн тойронд 1:50000, төмөр замын дагуу 1:200000 масштабтай хийгдсэн гидрогеологийн судалгааны ажлын дүнд тоосгоны шавар, хүрэн нүүрс, газрын тос, холимог металл болон эрдэс будгийн нөөцийг тогтоосон байна. Ер нь аймийн төвөөс 100 километрийн радиус дотор 30 гаруй төрлийн ашигт малтмалын орд, илэрц байдаг: хайлуур жонш /38 сая тонн/, холимог металл /1.1 сая тонн/, төмрийн хүдэр /13 сая тонн/, бал чулуу /200 мянган тонн/, хүрэн нүүрс /13 биллион тонн/. Улсын хэмжээнд томд орох Шивээ-Овоогийн нүүрсний уурхайтай. Жилдээ 2 сая тонн нүүрс олборловол 300 жилийн нөөцтэй.